O Festival Surf, Music and Friends que se celebra en Salinas convertiuse nun dos eventos imprescindibles do verán, levándose a cabo desde hai máis de 10 anos.

Neste evento únense prácticas deportivas como competicións de surf e a proba internacional de socorrismo do Waterman Challenge con actividades de ocio como concertos ao aire libre, food trucks, mercado, cine nocturno, demostración en directo de shaper facendo unha táboa de surf ou a aula do mar, onde se realizan actividades para ensinar a coidar os océanos mediante charlas, actividades e exposicións.

Distínguese por ser un festival sostible que se compromete co medio ambiente e o coidado dos océanos. Contan con iniciativas como eliminar o uso de plásticos de un só uso, promoven actividades para limpar a praia, utilizan material publicitario impreso en papel reciclado e con tintas vexetais e utilizan enerxía procedente de fontes renovables.

* Fotografías do festival Surf Music and Friends cedidas por Abside Studio.