Go Basquing é unha empresa de guías e receptivos turísticos especializada na arte de inspirar.

Os seus clientes buscan programas que lles permitan coñecer as particularidades culturais, as tradicións e os recunchos menos coñecidos, ao tempo que lles inspiren persoalmente. Un reto que fan realidade mesmo a distancia.

Profesionais locais que escoitan ás persoas que nos visitan e axudan a descubrir a alma local de cada lugar. Xuntos deseñan programas para sorprender e fidelizar aos seus clientes, ao mesmo tempo que contribúen ao desenvolvemento responsable e sostible das comunidades locais.

O seu tamaño e localización permiten gozar de programas cómodos, con desprazamentos curtos e mínimos tempos de espera. Desde a chegada ao aeroporto, só pasan 20 minutos ata o mostrador de check-in do hotel no centro de Bilbao, reducindo non só os tempos de traxecto senón tamén o impacto ambiental.

Entre todas as experiencias que ofrecen, destaca o surf. Surfar en praias de area fina e interminables ou en pequenas calas agochadas. Mellorar a técnica con profesorado experimentado ou aventurarse no Cantábrico con persoas expertas en ensinar a principiantes. Ondas xigantes como as da Galea e ondas vibrantes como as do Porto Vello, onde durmir escoitando o mar e saborear uns bos pintxos.