Entre as dunas e o piñeiro baixo, as villas, cabanas e tendas de glamping de Espazo Nature espállanse buscando a mellor luz, a brisa atlántica e o silencio da Costa da Morte. Razo non é só unha praia interminable: é a porta de entrada a un litoral rebelde, marcada pola Depresión Meridiana, a falla xeolóxica que racha Galicia de norte a sur e que aquí se sente a cada paso. Aquí atoparás aloxamentos de diferentes tamaños, ambientes e comodidades cun elemento común: as vistas á praia de Razo–Baldaio e as Sisargas. Os seus apartamentos ofrecen capacidade para 2, 4 ou 6 persoas e cada un conta cun mobiliario único e de deseño con diferentes elementos segundo o espazo: baño propio, terraza, cociña, piscina privada ou bañeira.
Este complexo conta tamén cun Espazo Active onde practicar surf ou kitesurf ao solpor, ioga Vinyasa… Movemento en estado puro para fundirse co océano e coa Costa da Morte.
