Ia km bateko luzera eta harea finarekin, udalerriko hondartza nagusia da, hirikoena, oso ondo komunikatua eta ondo hornitua, bainuaz eta eguzkiaz ez ezik, hainbat jardueraz ere gozatzeko: surfa, piraguismoa, bela, windsurfa, hondartza-futboleko txapelketa garrantzitsuak, baina, batez ere, bodyboarda praktikatzeko gogokoena da.

Hainbat tontor eskaintzen ditu, taula labur eta luzeko maitaleentzat, bai eta maila guztietarako olatuak ere. Udan ikasteko aproposa da, eta udazkenean eta neguan esperientzia handiko kirolarientzat bakarrik da egokia. Azpimarratzekoa da hondartza honetako begiratokietatik dozena bat olatu ikus daitezkeela, horien artean Punta Galea atzealdean, olatu handiko munduko eszenatokia, Andra Mari auzoan, edo Portu Zaharreko Jeffreys-eko olatua, Bilboko eskuinaldeko tabloneroen gozagarri.

Ereaga hondartza Algortako Portu Zaharraren eta Arriluzeko kai-muturraren artean dago, eta Serantes mendia eta Portugalete atzean ditu, jauregitxoz eta etxetzarrez inguratuta. Udan kontzertuak eskaintzen ditu. Bere zerbitzuen artean: dutxak, iturriak, basozain-zerbitzua, merenderoa, jatetxe eta hotelak, sorosleak, hondartzainak eta ezinduentzako aparkaleku irisgarria. Arrantza baimenduta dago, volley-instalazioak ditu, txosna, palen alokairua, taulak, boogyak edo uretako motoak, baita haurrentzako jolasguneak eta udan liburutegia ere.